Бүгін Техранға қарсы санкция енгізу мәселесі қаралады

БҰҰ-ның Қауіпсіздік Кеңесінде Атом энергетикасы жөніндегі халықаралық агенттік Иранның ядролық бағдарламасы туралы баяндама жасайды. Иранға 28-ші сәуірге дейін уран байытудан бас тарту жөнінде талап қойылған. Бүгін Иран президенті Махмуд Ахмединежад ядролық жұмыстарын тоқтатсын деген халықаралық үндеулерге өз елінің назар аудармайтынын мәлімдеді. Қауіпсіздік Кеңесінің отырысында Техранға қарсы санкция енгізу мәселесі қаралатын болады.