АҚШ Иранның ядролық бағдарламасы жайындағы тың ұсынысын жеткіліксіз деп тапты

Иран атом агенттігі бастығының орынбасары Мұхамед Саеди Халықаралық Атом энергетика агенттігі мәселені БҰҰ Қауіпсіздік Кеңесінен қайтып алса еліміздің ядролық кәсіпорындарын кез-келген уақытта тексеруге жол ашамыз деп айтқан болатын кеше. Мұхамед Саеди уран байтуды жалғастыра береміз деді. АҚШ әкімшілігінің өкілі Блейн Ретмейер Иран уран байытуын тоқтату керек, Иранға БҰҰ тарапынан шара қолдану керек деген жоспарымыздан қайтпаймыз деп мәлімдеді.