БҰҰ-ның қауіпсіздік кеңесіне тұрақты мүше 5 ел және Германия өкілдері бүгін Парижде кездеседі

Оның барысында сәуірдің 28-і күні БҰҰ жанындағы Атом энергиялық агенттігі тарапынан ұсынылған баяндама талқыланбақшы. Иран уранды байытуда және бұл үдерісті тоқтату туралы Қауіпсіздік кеңесінің талабын орындамай отыр, делінген баяндамада. Құрама Штаттар, Британия, Франция бұл орайда БҰҰ тарапынан қатаң шаралар қолданылуы тиіс, деп отыр. Ал, Ресей және Қытай елдері болса Иранға халықаралық тиымдардың салынуына қарсы.