Шешенстанда жасырын түрмелер бар ма?

Кеңсесі Венада орналасқан халықаралық ұйым Европаның адам хұқтары жөніндегі өкілін Шешенстанда құпия түрмелердің бар-жоқтығын зерттеуге шақырды. Адам хұқтары бойынша Хельсинки федерациясының “Шешенстан Республикасындағы бейресми абақтылар” деп аталатын баяндамасында Шешенстанда жасырын түрмелер жұмыс істейді делінген. Аталмыш ұйымның хабарлауынша, бұл баяндама Еуропаның кейбір елдерінде АҚШ Орталық Барлау Агенттігінің жасырын түрмелері бар болуы мүмкін деген дерек-мәліметтер бойынша жүргізіліп жатқан тергеу жұмыстарының басшысы Дик Мартиге жіберілген.