БҰҰ-ның Атом энергетикасы жөніндегі агенттік басшысы Мохаммед Елбарадей Иранның ядролық бағдарламасы мәселесін АҚШ мемлекеттік хатшысы Кондолиза Райспен талқылады. Ол Уашингтондағы кездесуден кейін журналистерге берген сұхбатында жағдайды реттеу үшін Құрама Штаттардың Иранмен тікелей келіссөзге бару қажеттігін айтқан. АҚШ болса, сәрсенбі күні Иранның Уашингтонмен тікелей келіссөздер өткізуді қарастырғанын растап, Буш әкімшілігі көпжақты келіссөздерді ұстанып отырғанын білдірген.