Президент Хамид Қарзай Техронда Иран елінің басшылығымен кездеспек

Ауғанстан президенті бүгін Техронда Иран халқының рухани көсемі Аятолла Әли Хоменеймен кездесіп, Иран президенті Ахмединежатпен аймақтық мәселелерді талқыламақ. Мамырдың басында президент Қарзайдың өкілі, Ауғанстан ядролық бағдарлама мәселесінде Иран мен АҚШ арасындағы дауға мәмілегерлік жасауға дайын, деген болатын. Бірақ Иран сыртқы істер министрлігінен хабарланғанындай, бүгінгі кездесудің күн тәртібінде ол мәселе жоқ көрінеді.