Тәліптер 12 полицейді өлтіріп, 40 шақты полицейді тұтқындап алып кетті

КАБУЛ. Оңтүстік Ауғанстандағы полицияның хабарлауынша, бүгін 100-деген тәліп сарбазы аймақтық полиция штабына шабуыл жасап, қауіпсіздік күштерін кейін шегіндірді. Кабулдағы бір шенеунектің айтуына қарағанда, тәліптер Урузган облысының Чора ауданындағы полиция штабын басып алып, 40 полицейді ұстап алып кеткен. Талибан өкілінің хабарлауы бойынша да, 40-қа тарта полицей ұсталып, 12-сі оққа ұшқан. Бірақ аймақтық полиция басшылары шайқаста ешбір полицейдің жарақат алмағанын мәлімдейді.