Батыс қандай ұсыныс жасамасын, Иран уранды байытудан бас тартпайды

ТЕҺРАН. Бүгін Еуропа Одағының сыртқы саясатының басшысы Хавьер Солана Теһранда Иранның “ядролық бағдарламасы мәселесін” шешуді көздейтін халықаралық қауымдастықтың ең соңғы ұсынысымен таныстыруға тиіс. Өткен аптада БҰҰ-ының Қауіпсіздік Кеңесінің тұрақты 5 мүшесі мен Германия Иранды уранды байыту бағдарламасынан бас тартуға ынталандыратын бірқатар ұсыныс жасауға келіскен болатын. Сонымен қатар олар уранды байыту ізденісінен бас тартпаған күнде, оған жаза қолдану керектігіне де келісімдерін берді.