Абу Мұсаб Әл-Зарқауидің қазасы түрлі пікір туғызып жатыр

Ирақ басшылары және АҚШ бастаған коалиция "Әл Қаиданың" Ирақтағы басшысы Абу Мұсаб Әл-Зарқауидің өлтірілгенін терроризмге қарсы соғыс барысында үлкен жеңіс деп қабылдады. АҚШ президенті Джордж Буш Ирақ үкіметі соғыс толқынын енді көтерілісшілерге қарсы бұра алады деп сипаттады. Дегенмен, кейбір батыс елдердің басшылары Әл-Зарқауидың көзі жойылғанымен Ирақтағы бүлік тезарада тоқтай қоймас дейді. Талибан басшысы Мұхамед Омар молда Абу Мұсаб Әл-Зарқауидың өлтірілгені "кәпір күштерге" қарсы күресімізді әлсіретпейді деп мәлімдеді.