Иран үкіметі әйелдерлдің құқын қорғап бейбіт шеруге шыққан 70 адамды қамады

ТЕҺРАН. Адам құқын қорғайтын халықаралық “Хьюман райтс уотч” ұйымы Иранға өткен дүйсенбіде Теһран полициясының әйел құқықтарын қорғау үшін шеруге шыққан белсенділерді сабаған әрекетін тергеуді сұраған өтінішін жолдады. Сонымен қатар адам құқын қорғаушы ұйым Иран үкіметінен наразылыққа шыққандардың жиын өткізу құқын ескеріп, оларды қамаудан босатуға шақырды. Иранның сот билігі 70 адамның “заңсыз” деп танылған жиынға қатысқаны үшін қамалғанын мәлімдеп отыр.