БҰҰ-ның Бас хатшысы Кофи Аннан Ирақтың жаңа үкіметіне көмектесуге бейілді

Кофи Аннан елде тұрақтылық орнауы үшін Ирақ үкіметіне халықаралық және саяси қолдау көрсетуге уәде етті. БҰҰ ресмилерінің айтуынша, Бас хатшы Ирақ премьер-министрі Нури әл-Малики мен АҚШ президенті Дж.Буштың өтініштеріне орай осындай жауап берген. Ал кеше Бағдадтағы шиит мешітіндегі жанкештілік бомба жарылысында кемінде 11 адам құрбан болып, тағы көптеген кісі жарақаттанды. Бұл жанкештілік жарылыс сәуір айында 90 адамды опат еткен жарылыс орын алған мешітте қайталанып отыр.