Ресейдің төрт азаматын кепілдік тұтқынына алған Ирақтағы әл-Қаида ұйымымен байланысты топ оларды өлтіреміз деп мәлімдеген

Бұл жөнінде интернеттегі хабарламада айтылған. Бірақ бұл мәлімдеменің қаншалықты шындыққа жанасатындығы нақтылынбаған. Можахедтердің Шура кеңесі Ресейден Шешенстандағы барлық әскерлерін алып кетуді және түрмелерге қамалған мұсылмандарды түгелдей босатуды талап еткен болатын. Бағдадтағы Ресей елшілігінің төрт қызметкері маусым айының басында кепілдікке алынған еді, ал бесіншісі қаза тапқан болатын.