Ауғанстан президенті тәлібтер көсемін қорқақ деп атады

КАБУЛ. Ауғанстан президенті Хамид Қарзай Талибан қозғалысының бас сауғалап жүрген көсемі Омар молданы “су жүрек” деп айыптап, оны жасырынған панасынан шығып, әділ жазасын алуға шақырды. Х.Қарзай бұл пікірін Омар молданың кеше Пәкістан теледидарынан берілген сөзіне байланысты білдірді. Ол сөзінде Талибан лидері Ауғанстандағы қантөгістің кең өріс алуын ауыздықтауға ауған армиясы мен АҚШ бастаған коалициялық күштердің ақылы жетпейді деп айыптады.