“Хамас” ұйымы: “Израиль - төгілген әр тамшы қанның құнын төлейді”

ТАЯУ ШЫҒЫС. Бүгін “Хамас” ұйымының басшылығы Израиль армиясының Газа аймағындағы қарсылықты басып-жаншуына тиесілі “жауап қайыруға” ант берді. “Хамас” ұйымының таратқан мәлімдемесінде “Израиль - төгілген әр тамшы қанның құнын төлейді” делінеді. Израиль армиясы Газа аймағындағы шабуылын осыдан 12 күн бұрын тұтқынға түскен жауынгерін босату үшін бастаған болатын. “Хамас” ұйымының ескертуінше, бұл шабуыл, керісінше, әлгі жауынгерді тағдыр тәлкегіне түсіреді.