Газа аймағындағы шабуылды қашан аяқтайтынын Израиль премьерінің өзі білмейді

ТАЯУ ШЫҒЫС. Палестинадағы аурухана өкілдерінің хабарлауынша, бүгін таңертең Израильдің Газа аймағына берген әуе соққысынан бір сарбаз қаза болып, кемінде тағы бір сарбаз жарақат алды. Израиль үкіметі өкілінің хабарлауынша, кеше болып өткен үкімет отырысында премьер-министр Эхуд Ольмерт өзінде Израильдің Газа аймағына шабуылын тоқтатудың ешқандай кестесі жоқтығын мәлімдеген көрінеді. Израильдің шабуылы өз жауынгерін палестиндік топтардың тұтқынға түсірген 25-інші маусымнан кейін басталды.