ФИФА - әлемнің “үздік футболшысы” Зидан мен италиян ойыншысының төбелесін тергейді

Халықаралық футбол федерациясы – ФИФА - Әлем біріншілігінің финалдық ойыны кезіндегі Франция құрамасының капитаны Зинедин Зидан мен Италия құрамасының ойыншысы Марко Матераццидің арасындағы жанжалды тергемекші. Әлем Кубогінің тағдыры сарапқа салынған шешуші ойынның қосымша уақытында З.Зидан Матерацциді басымен кеудесінен ұрып жығып, жасыл алаңнан қуылды. Матерацци оған намысына тиетін сөз айтып, жанжалға себеп болғанын мойындады.