Израиль Ливанды “соғыс жариялады” деп айыптап, “Хезболлаһ” шебіне соққы берді

ТАЯУ ШЫҒЫС. Израиль Ливандағы экстремистік “Хезболлаһ” тобы тұтқындаған 2 жауынгерін босату үшін өзінің түрмелерінде отырғандарды саудаға салмайтынын мәлімдеді. Кеше “Хезболлаһ” тобы тұтқиылдан шабуыл жасап, 2 еврей жауынгерін ұстап алып кеткен соң, Израиль армиясы оның Ливандағы шебіне әуеден соққы беріп, зеңбіректерден атқылады. Сонымен қатар Израиль 2 жауынгерінің қолға түсуіне Ливан үкіметі жауапты деп, бұл әрекетті “соғыс жариялау” деп бағалады.