З.Зидан италиян футболшысын өзі мен анасы балағаттағаны үшін соққанын мойындады

ЛОЗАННА. Халықаралық футбол федерациясы – ФИФА – әлем біріншілігінің 9-ыншы шілде күні болып өткен финалындағы Италия құрамасының қорғаушысы Марко Матераццидің қылығын тергеуге кірісті. Франция мен Италия құрамаларының кездесуі кезінде Матерацци францұздардың капитаны З.Зиданмен жанжал шығарып, соңғысы италияндықты басымен ұрып жыққан болатын. Кейін Зидан Матераццидің өзі мен анасын қорлайтын сөз айтып, жанжал шығарғанын айтты. ФИФА екеуін де тәртіп комитетінің 20-сыншы шілде күні өтетін мәжілісіне шақырды.