Израиль Бейруттің оңтүстік аймақтарына шабуыл жасады

Израильдің Ливанға шабуылдары бес күн бойы жалғасып, Израильдің әскери ұшақтары Бейруттің оңтүстік аймақтарына әуеден соққы берді. Бірақ зардап шеккендер туралы хабар әлі түскен жоқ. Ал сенбі күні Израиль әскерлері Ливандағы 35 қарапайым халықты өлтірген болатын, олардың 15-і балалар. Ливан премьер-министрі Фоуад Синиора оның елін “апат аймағына” айналдырғаны үшін Израильді айыптап, атысты тоқтатуға шақырды. Ал “Хезболлаһ” соғысушылары Израильдің Тиверия қаласына шабуыл жасап, 8 адамды жарақаттады.