Иорданияда Әл-Заркауидің өліміне байланысты көңіл айтқан екі заңшығарушы түрмеге жабылды

Бүгін Иорданиядағы сот “Әл-Қаиданың” Ирақтағы басшысы Абу Мусаб әл-Заркауидің өліміне байланысты көңіл айтқаны үшін екі заңшығарушыны шамамен 2-жылға бас бостандығынан айырды. Бұл заңшығарушыларға “сектанттық негіздегі өшпенділікке арандатушылық жасады” деген айып тағылды. Сотқа тартылған үшінші айыпталушыға қатысты дәлел-айғақтар жеткілікті болмаған соң ол сот залынан азат етілді.