Түркіменстанның 20 министрі мен 5 облыстың басшысы “мерседеске” отыруы мүмкін

АШХАБАД: Түркіменстан президенті Сапармурат Ниязов тәуелсіздіктің 15 жылдығына қарай өз үкіметінің әрбір министріне “мерседес” автокөлігін сыйға тартуға уәде берді. 15 жылдық мереке қазан айында өтеді. Ұлттық телеарнадан көрсетілген үкімет отырысында С.Ниязов, сонымен қатар, аймақ басшыларына джип автокөліктерін, оған қоса мақта жинау науқанын дер кезінде аяқтайтын болса, оларға да “мерседес” сыйлайтынын мәлімдеді. Түркіменстанда 20 министр және 5 аймақ басшысы бар.