Израиль БҰҰ Қауіпсіздік Кеңесінің бітім жөніндегі қарарын мақұлдады

Бүгін Израиль үкіметі Израиль мен Хезболлаһ арасындағы қақтығысты тоқтатуға шақырған БҰҰ Қауіпсіздік Кеңесінің қарарын ресми түрде мақұлдады. БҰҰ бас хатшысы Кофи Аннанның мәлімдеуінше, Израиль мен Ливан премьер-министрлері дүйсенбі күні бітім жөнінде жариялаймыз деп келіскен. Бүгін Израиль күштері Ливанның оңтүстігіндегі шабуылдарын одан әрі жалғастырды. Ал Хезболлаһ соғысушылары Израильдің солтүстігіне зымырандарын атты, оның салдарынан бір адам қаза тауып, бірнеше кісі жарақат алды.