Бұл арада Ливанның премьер министрі Фуад Синиора Израйл бітімге келу келісімін бұзып отыр деп мәлімдеп, бұл мәселені БҰҰ-ында көтеретінін айтты. Өткен түнде Израйл әскерінің Хизболла жасақтарымен қақтығысында 1 израйлдық әскер қаза болып, екеуі жараланған. Бүгін Израйл Армиясы Ливанда арнайы операциялар жүргізгенін нақтылаған болатын. Израйл бұл рейд Хизболлаға Иран мен Сириядан қару-жарақ жеткізуге тосқауыл қою үшін жасалды деген.
