БҰҰ-ының талабын орындамайтынын Теһран өзінің ресми жауабында білдірмекші

ТЕҺРАН: Бүгін Иранның рухани лидері аятолла Әли Хаменей Теһранның ядролық энергия өндіру бағдарламасын жалғастыра беретінін мәлімдеді. Иранның уран шикізатын байыту жұмыстарын тоқтату туралы халықаралық қоғамның талабын орындаудан бас тартуына келгенде Хаменей күрт үнсіз қалды. Бірақ, келіп түскен хабарға қарағанда, аятолланың бұл әрекеті – Иран халықаралық қоғамның талабын орындаудан оның соңғы экономикалық ұсыныстарына берген ресми жауабында бас тартатынын байқатады. Өзінің жауабын Теһран ертең беруге тиіс.