Жолаушы ұшағы әуеге 2 есе қысқа ұшу-қону алаңынан көтерілмек болып құлады

ВАШИНГТОН: АҚШ-тың көлік қауіпсіздігінің федералдық қызметі хабарлағандай, кеше Кентукки штатында апатқа ұшыраған жолаушы ұшағы басқа ұшу-қону алаңынан көтерілмек болған. Апаттың салдарынан 49 адам қаза тапты. Көлік қауіпсіздігінің Ұлттық басқармасының мүшесі Дебби Херсманның мәлімдеуінше, тергеудің бастапқы қорытындысы бойынша, реактивті Comair ұшағы әуе жайдың коммерциялық ұшақтарға лайық емес 2 есе қысқа ұшу алаңынан көтерілмек болған. Ұшақтағы 50 адамның ішінен 1 ғана кісі – екінші ұшқыш аман қалды.