Қауіпсіздік Кеңесінің Иранды уран байытуды тоқтатуға шақырған мерзімі аяқталды. Осыған орай, АҚШ Мемлекеттік департаменті егер Иран уран байытуды тоқтаттық деп жарияламаса, бұл елге қарсы халықаралық санкция салу мәселесін Қауіпсіздік Кеңесі тезірек мақұлдау керек деп отыр. Иран сыртқы істер министрінің орынбасары Аббас Арагчи Техранның бұл мәселеде бейбіт келісімге қол жеткізетініне сенім артқан.
