Иран дипломаты ядролық мәселеге қатысты келіссөз бірнеше күннен кейін өтуі мүмкін деді

Иран сыртқы істер министрі Манучеһр Моттаки Теһранның ядролық бағдарламасына қатысты келіссөздің қашан және қайда өтуі жөніндегі мәселелер талқылануда деп мәлімдеді. Иранның ядролық мәселесі бойынша бас өкілі мен Еуроодақтың сыртқы саясат басшысы арасындағы келіссөз бүгін өтеді деп алдын-ала хабарланған болатын. Иран дипломатының айтуынша, бұл келіссөз бірнеше күннен кейін Австрия астанасында өтуі мүмкін.