Армян студентін пышақтап өлтірген милиция мектебінің курсанты болып шықты

МӘСКЕУ: Ресей милициясы армян студентінің қазасына қатысы бар деген күдіктіні ұстады. Ресей баспасөзінің хабарлауынша, күдікті адам милиция мектебінің курсанты көрінеді. Қаза болған студенттің отбасын қорғайтын адвокаттың мәлімдеуінше, Никита Сенюков есімді күдіктіге “нәсілшілдік пиғылмен кісі өлтірді” деген айып тағылып отыр. Мәскеу университетінде оқитын 17 жастағы Виген Абрамянцты сәуір айында метро бекетінде пышақтап өлтіріп кеткен болатын.