И.Кәрімовтің 2 жылдай бұрын таяққа жығылған жиені енді хабар-ошарсыз жоғалды

ТАШКЕНТ: Өзбекстан президенті И.Кәрімовтің жиені – Жәмшид Кәрімов – бір апта бұрын хабар-ошарсыз жоғалды. Ол туралы “Азаттық” Радиосының Өзбек редакциясы хабарлайды. Жизақ қаласында жұмыс істеп келген тәуелсіз журналист Жәмшид Кәрімов 12-нші қыркүйек күні хабарсыз жоғалып кеткен. Жақындары оны Ұлттық қауіпсіздік қызметі тұтқындаған болар деп болжап отыр. 2 жылдай бұрын Жәмшидті белгісіз жаулары таяққа жығып кеткен болатын.