Орыс, францұз және неміс лидерлері “Иран проблемасын”, “газ мәселесін” талдайды

ПАРИЖ: Бүгін Ресей президенті В.Путин Францияға барады. Парижде ол францұз президенті Жак Ширакпен келіссөз өткізіп, сенбі күні екі елдің лидерлеріне Германия канцлері Ангела Меркель келіп қосылуға тиіс. 3 жақты бас қосудың күн тәртібінде Ресейдің көмірсутегі шикізатын Еуропаға тасымалдау, Иранның ядролық бағдарламасы төңірегіндегі дағдарыс және Еуропаның аэроғарыштық консорциумына Ресейдің қатысуы мәселелері тұр. Мәскеу аталған консорциум акцияларының 5 пайызын таяуда ғана сатып алған болатын.