Ресей президенті Владимир Путин Франция және Германиямен өнеркәсіп және энергетика әріптестігін жасау Ресей үкіметіне "басымдылық" боп табылады деді. Путин кеше Францияда ел президенті Жак Ширак және Германия канцлері Ангела Меркельмен бейресми жағдайда кездесті. Путин Ресейдің күшейіп келе жатқан экономикалық амбицияларына қатысты Еуропа жетекші елдерінің алаңдаушылығын жұмсартуға күш салды. Ресей, мысалы, "Эйрбас" компаниясын басқаратын Франция-Германия компаниясының бес пайыз акциясын сатып алмақ.
