Орыстардың әсіре оңшыл ұлтшылдары енді үнді студентін пышақтап кетті

С.-ПЕТЕРБОР: С.-Петербор қаласында тағы бір шетелдік азаматқа – бұл жолы үнді студентіне қастандық жасалды. Үндістанның С.-Петербордағы Бас консулы Джордана Павел ханымның айтуынша, Мечников атындағы медицина Академиясының 27 жастағы 6-ншы курс студенті Нитеш Кумар Сингты жатақхана маңында 7 жерінен пышақтап кеткен. Бұған дейін де Ресейдің солтүстік астанасында орыстардың әсіре оңшыл ұлтшылдары шетелдіктерге қарсы талай рет қастандық ұйымдастырды.