Кандагар – тәліптердің табанды қарсылық көрсеткен өлкесіне айналды

КАБУЛ: Ауғанстанның оңтүстігіндегі Кандагар өлкесіндегі әйелдердің істеріне жауапты үкімет өкілін мотоциклға отырған беймәлім қаскүнемдер атып кетті. Сафия Ама Жан ханымды өз үйінің алдында атып өлтірген бұл қастандықты әзірше ешкім жауапкершілігіне алған жоқ. Кандагар өлкесі – тәліптер мен Ауғанстанның Кабулдағы орталық билігін қолдау үшін орналастырылған НАТО басқаратын халықаралық күштердің арасындағы кескілескен шайқастардың сахнасына айналған.