14 бала мен 2 сәбиді және 100 жастағы кемпірді малдай қырған полицейлер сотталады

БЕЛГРАД: Кеше Белград қаласында 1999-ыншы жылы Косово өлкесінің 48 албан тұрғынын жаппай қырды деген айып бойынша Сербия полициясының бұрынғы 8 офицерінің соты басталды. Құрбандардың ішінде 14 бала, емшектегі 2 сәби, аяғы ауыр әйел және 100 жастағы кемпір де болды. Кейін олардың денелерін бір жерге үйіп көме салады да, олардың сүйектері тек 2001-інші жылы ғана аңғарылады. Егер серб полицейлерінің қылмыстары дәлелденсе, барлығы да 40 жыл мерзімге кесілуі мүмкін.