Accessibility links

2006 жылдың медицина мен физика саласындағы Нобель сыйлығына ие болған ғалымдар кімдер?


АҚШ-ң медицина саласындағы қос ғалымы 2006 жылдың Нобель сыйлығына ие болды. Олар ақаулы гендердің жұмыс істеуіне қалай кедергі келтіруге болатыны және сол арқылы жаңа аурулардың дамуына тосқауыл қою мүмкіндіктерін ашқан еді. Физка саласында да бұл сыйлыққа американдық ғалымдар ие болды.

Сонымен жоғарыда айтқанымыздай биылғы жылғы медицина саласындағы әлемдік Нобель сыйлығы сияқты жоғары марапаттауға американдық екі медицина ғалымы ақаулы гендердің жұмысының алдын- алып, олардың адам денсаулығына әсер етуі мен басқадай бір науқастар туғызуына жол бергізбеу мүмкіндіктеріне қол жеткізген жаңалығы үшін ие болып отыр.

Стокгольмдағы Каролинска институтында орын тепкен Нобель Ассамблеясы Эндрю Файр мен Крейг Меллоудың ашқан ғылыми жаңалығы генетикалық ақпараттар ағымын бақылаудың принципті механизмін ашып берді деп атап көрсеткен.

Жалпы ақаулы гендер әрдайым да қандай бір аурумен қабаттасады, енді олардың жұмыс істеуіне кедергі жасау арқылы емдеу жолдары мен әсер ететін дәрі-дәрмектерді анықтауға мүмкіндік береді.

Медицина саласындағы Нобель сыйлығы иегерлеріне 1,37 миллион доллар сыйақысы беріледі.

2006 жылғы физика саласы бойынша Нобель сыйлығына лайықты деп табылғандар американдық астрофизиктер Джон Мэтер мен Джордж Смут. Бұл ғалымдар галактиканың тууы мен аспан денелерінің пайда болуы саласындағы зерттеу жұмыстары үшін осындай жоғары наградаға лайықты деп табылған. Нобель Ассамблеясы ғалымдар ашқан жаңалықтар галактика мен жұлдыздардың негізін танып білуге көп көмектеседі деп атап көрсеткен. Зерттеу жұмыстары НАСА спутнигінен алынған ақпараттарға негізделген.

Бейбітшілік Нобель сыйлығының ғылымның әр саласы бойынша жеңімпаздары қазан айының 13-де толық белгілі болады.

Ал Бейбітшілік Нобель сыйлығын оның жеңімпаздарына тапсыру салтанаты осы сыйлықтың негізін қалаушы Алфред Нобельдің қайтыс болған күніне орай 10 желтоқсанда өтуге тиіс.

Нобель сыйлығы 1901 жылдан бері әр жыл сайын физика, химия, психология немесе медицина саласында беріліп келеді.

AzattyqTV

Қырғызстан

Әзиздің арманы

XS
SM
MD
LG