30 жасқа толған чешен премьері – президент сайлауына түсе алады

ГРОЗНЫЙ: Бүгін Чешенстан премьер-министрі Рамзан Қадыровтың жасы 30-ға толды. Енді, Чешен конституциясына сәйкес, жасы 30-ға толған Қадыров республика президенті лауазымына дауысқа түсе алады. Бірақ бүгін жас премьер-министр “ол кеңседе отыруға” әлі дайын емес екенін тағы да қайталады. Ол бастаған қарулы құрамаға “кісі ұрлауды кәсіп етті” деген айыптың тағылуына байланысты Рамзан Қадыровтың абырой-беделі біршама ортайып қалған еді. Сондай-ақ бүгін Чешенстанда алғаш рет “Жастар күні” мерекесі тойлану үстінде.