Михаил Саакашвили Ресей басшылығы ксенофобияның жаңа толқынын көтерді деді

Грузия президенті Михаил Саакашвили Ресей басшылығы Грузияға қарсы науқан бастап, бұл Ресейде ксенофобияның жаңа толқынын көтерді деп мәлімдеді. Саакашвили бұл сөзін кеше Рейтерс агенттігіне айтты. Ресей үкіметі базарлардағы шетел саудагерлеріне қарсы науқан бастатты, ондайлардың көбі – Грузия азаматтары. Михаил Саакашвили шетелдіктерге қарсы науқанға өзге мемлекеттер де алаңдаушылық танытса жөн деді. Михаил Саакашвили Ресей үкіметі еңгізген шектеулер еліміздің экономикасына қатты зақым әкеледі деді.