Халықаралық ұйым Ресейді босқын мәртебесін алғысы келген өзбек азаматын еліне тапсырмауға шақырды

Адам хұқтары бойынша Amnesty International ұйымы Ресейді лаңкестікке қатысы бар деп күдіктелген Өзбекстан азаматын депортацияламауға шақырды. Аталған ұйымның айтуынша, егер Рустам Муминов өзбек билігіне тапсырылса, ол өлтірілуі мүмкін. Өткен аптада Мәскеу соты Муминовты депортациялау жөнінде шешім шығарған болатын. Муминов тиым салынған “Хизбут Тахрир” ұйымына мүше деп айыпталуда.