Түркіменстанның ресми ақпарат көздері президенттің денсаулығы нашарлады дегенді жоққа шығарды

Бүгін мемлекеттің бақылауындағы Түркіменстанның ақпарат бұлақтары президент Сапармұрад Ниязовтың денсаулығы нашарлай бастаған деген ақпаратты жоққа шығарды. Онда ресми ақпарат көзі, Ниязовтың денсаулығы туралы оның германиялық дәрігерінің сөзін келтіріп, Түркімен президенті “белсенді әрі күш жігері мықты, өзін жақсы сезінеді” деген. Ал, Ниязов жұма күні қоғам алдында өзінің жүрек ауруына байланысты дәрі ішіп жүргендіктен, ораза ұстай алмағанын айтқан болатын.