МӘСКЕУ: Бүгін Ресей президенті В.Путин биліктегі 2-нші мерзімі аяқталатын 2008-інші жылдан кейін де өзінің саяси ықпалын сақтап қалғысы келетінін мәлімдеді. Бүгін тікелей телеарнадан бұқара халықтың сауалдарына жауап беруі барысында В.Путин Ресейдің экономикалық жетістіктерін насихаттады, Грузияны өзінен бөлініп шыққан Оңтүстік Осетия мен Абхазия проблемасын қарулы күшпен шешуге ұмтылады деп айыптады және Солтүстік Кореяға оның ядролық бағдарламасына бола қысым көрсетудің нәтиже бермейтінін ескертті.
