Тбилиси өзінің саяси ұстанымына Мәскеу “түсіністікпен қарайды” деп үміттенеді

МӘСКЕУ: Кеше Мәскеуде Ресей мен Грузияның сыртқы істер министрлері Сергей Лавров пен Гела Бежуашвили орыс-грузин қарым-қатынастарындағы дағдарысты талқылап, бұл кездесуді “өте күрделі, бірақ пайдалы болды” деп бағалады. Келіссөздің барысында осы дағдарыстан шығудың жолдары сөз болды. Г.Бежуашвили қазіргі ахуалды “тиімсіз” деп сипаттап, Ресей Грузияның ұстанымына түсіністікпен қарайды деген үмітін білдірді.