Иран уранды байытудан бас тартпайды, керісінше оны кеңейте түседі

ТЕҺРАН: Халықаралық қауымдастықтың өзінен ядролық бағдарламасын тоқтатуды талап етуіне қарамастан Иран уран шикізатын байыту жұмыстарын жалғастырып, оны кеңейте түсетінін мәлімдейді. Кеше Иранның сыртқы істер министрлігінің өкілі Мұхаммад Әли Хусейни атап көрсеткендей, Теһран 2007-нші жылдың наурызына қарай уранды байытуға қажетті 3 мың центрофуга жабдығын іске қосады. Сонымен бірге ол Израильдің кез-келген шабуылына Иран “ойсырата тойтарыс береді” деп ескертті.