Ирақта кемінде 60 адам, оның ішінде 4 британ, 3 АҚШ жауынгері құрбан болды

БАҒДАД: Кеше Ирақтың шийттерге жататын премьер-министрі Нұри Әл-Мәлики парламенттің жабық сессиясында “елдегі қазіргі ахуалға байланысты” үкіметті түгел ауыстыруды талап етті. Осылайша ол елге тыныштық орнатуға үміттенеді. Өткен тәулікте Ирақта кем дегенде 60 адам, оның ішінде 4 ағылшын және 3 АҚШ жауынгері қаза тапты. Бір Бағдадтың өзінде 46 кісі құрбан болды. Сондай-ақ кеше Бағдад пен Баакуба қалаларынан қолдары байланған және бастарынан атып өлтірілген 77 адамның мәйіті табылды.