Ауғанстан – Орта және Кіші Азияның арасындағы “энергетикалық көпір” болады

ДЕЛИ: Бүгін Үндістандағы халықаралық конференцияға қатысушы елдер Ауғанстанға көмек берудің жаңа жолдарын ұсынды. Атап айтқанда, Ауғанстан – осы аймақтың “энергетикалық көпіріне” айналуға тиіс. Ол үшін Түркіменстаннан Ауғанстан және Пәкістан арқылы Үндістанға тартылатын жаңа газ құбырының құрылысын жеделдету қажет болады. Осы форумда қабылданған шешімге сәйкес, сондай-ақ Ауғанстан жері осы аймақтағы сауданың ең басты транзиттік жолына айналады.