Британия мен Пәкістан лаңкестікке қарсы күрестегі өзара ынтымақтастығын нығайтуға келісті

Британия премьер-министрі Тони Блэр мен Пәкістан президенті Первез Мушарраф кеше Лахорда келіссөз өткізіп, діни экстремизм мен лаңкестікке қарсы күрестегі өзара ынтымақтастығын нығайтуға келісті. Бірақ екі ел басшылары ұлғайып жатқан экстремизммен күресу үшін әскери емес шараларды жүзеге асыру керек деп атап көрсетті. Бірлескен баспасөз-маслихатында сөйлеген сөзінде Тони Блэр әлемдегі ұстамды мұсылмандарды қолдау үшін демократия мен Израиль-Палестина жанжалының шешілу мәселесін алға тарту арқылы көбірек жұмыс атқару керек деп мәлімдеді.