Әзірбайжан өкіметі тәуелсіз ақпарат көздерін жауып жатыр

Әзірбайжан билігі елдегі тәуелсіз ақпарат құралдарын құрту амалдарын жалғастырып, жетекші оппозициялық партия мен газет ұжымын өз кеңселерінен қуды. Полиция оппозициялық ірі басылым Азадлық пен Халық Майданы партиясының жабдықтарын далаға шығарып тастаған. Жұма күні билік өкілдері тәуелсіз ақпарат көзіне оларды жабу туралы қағаз тапсырып, тәуелсіз телерадиокомпания АНС-тың әуе толқындарын қайтып алғанын ескерткен.