Израйл мен Палестина бір бітімге келді

Израйл премьер министрі Эхуд Олмерт кеңсесінен хабарланғандай, үкімет басшысы Олмерт Палестинаның Газа қаласындағы атысты тоқтату жөніндегі ұсынысын қабылдаған. Үкімет өкілінің айтуынша, егер Палестина қақтығысты тоқтатса, Израйл өзінің Газадағы әскери операцияларын аяқтайды. Хабарларда бітімгершіліктің жексенбі күні Прага уақытымен таңғы сағат алтыда күшіне енетіні айтылуда. Палестина президенті Махмуд Аббастың өкілі айтқандай, Палестинаның қарулы топтары бұл келісімге сәйкес, Израйлды зымыранмен атқылауын тоқтататын болады.