НАТО күштері 55-ке жуық талибандықты өлтірді

Ауғанстандағы НАТО-ның халықаралық қауіпсіздікті қамтамасыз ету күштері елдің оңтүстігіндегі қақтығыс барысында шамамен 55 Талибан соғысушысын өлтіргендерін хабарлады. Бұл шайқастар жұма және сенбі күндері Қандағар және Орузган өлкелерінде орын алған болатын. Ол қақтығыстан, сондай-ақ, бір НАТО сарбазы құрбан болды деп хабарланды. Сонымен қатар, Пәкістанмен шекарадағы Пактика провинциясында бір жанкешті кісі өзін жарып жіберді. Бұл шабуылдан кемінде 12 адам қаза тауып, 25 кісі жараланды.