БЕЖИН: Америка Құрама Штаттары Солтүстік Кореяға оның ядролық қарусыздануы туралы ұсынысын тапсырды. Ол туралы бүгін Бежинде АҚШ-тың мемлекеттік хатшысының орынбасары Кристофер Хилл хабарлады. Ол Солтүстік Кореяның ядролық бағдарламасы бойынша Қытай астанасында болып өткен 2 күндік келіссөзге қатысты. К.Хилдің сөзіне қарағанда, ресми Пхеньян ол ұсыныспен танысуға уәде берді. Ресми Вашингтон Пхеньяннан ядролық қарудан сөзсіз бас тартуын талап етіп келеді.
