Мәскеу Өзбекстанның 13 азаматын Ташкентке қайтаруы мүмкін

МӘСКЕУ: Ресейдің адамның құқын қорғаушылары 12 өзбек азаматы мен 1 қырғызды Өзбекстанға қайтару туралы Бас прокуратураның нұсқауына қарсы берген шағымын Жоғарғы Соттың қанағаттандырмағанын хабарлады. Мәскеудегі “Мемориал” және “Азаматтық құқықтық көмек” ұйымдарының мәлімдеуінше, Жоғарғы Сот мұндай шешімін сейсенбі күні шығарған. Ресей орталығындағы Иванов қаласында қамауда отырған Өзбекстанның әлгі 13 азаматын ресми Ташкент өткен жылғы “Әндіжан толқуына” қатысы бар деген күдікпен елге қайтаруды талап етіп отыр.